Научник тврди дека ја открил причината за „проклетството на фараонот“ за кое се верува дека убило повеќе од 20 луѓе кои ја отвориле гробницата на кралот Тутанкамон во 1922 година.
Древен египетски текст се заканува со смрт од болест која ниту еден лекар не може да ја дијагностицира на оној што ги вознемирува кралските мумифицирани остатоци, но Рос Фелоус вели дека постои биолошка причина за смртта.
Истражување утврдило дека причината е труење со радијација од природни елементи кои содржат ураниум и токсичен отпад, намерно ставен во запечатениот трезор. Изложеноста на супстанците може да доведе до одредени видови на рак, како оној што го одзел животот на археологот Хауард Картер - првиот човек што влегол во гробницата на Тутанкамон пред повеќе од 100 години.
Теоријата ефикасно докажува дека гробницата навистина била „проколната“ на докажлив, биолошки начин, наместо на натприроден начин предложен од некои древни египтолози.
Голем дел од луѓето вклучени во ископувањето умреле од гушење, мозочен удар, дијабетес, срцева слабост, пневмонија, труење, маларија, а сите биле во нивните 50-ти.
Британскиот египтолог Артур Вајгл присуствувал на отворањето на гробницата на Тутанакамон, каде бил обвинет дека го поттикнува митот за проклетството. Тој починал од рак на 54-годишна возраст.
Сепак, натписите пронајдени во други гробници низ Египет сугерираат дека древните луѓе знаеле за токсините. Текстот вклучува области кои биле „забранети“ поради „злите духови“.
Истражувањето објавено во списанието „Журнал оф сајентифик експлорејшн“ објаснува дека било документирано високо ниво на радијација и во урнатините на гробниците на Старото кралство, на две локации во Гиза и во неколку подземни гробници во Сахара. Истото било и во гробницата на Озирис во Гиза. Фелоус истакнува дека интензивна радиоактивност е забележана, особено во внатрешноста.
Илјадници садови откопани од под скалестата пирамида во 60-тите содржеле до 200 тони неидентификувани супстанции кои допрва треба да се идентификуваат, што сугерира дека токсините биле закопани со мумифицираните остатоци.
- Пријавеното силно зрачење (како родон) во урнатините на гробницата лесно се припишуваат на природната заднина од карпата-домаќин. Но, нивоата се невообичаено високи и локализирани, што не е во согласност со карактеристикие на подлогата на варовник, туку подразбира друг неприроден извор - вели Фелоус.
На 4 ноември 1922 година, истражувачите ги пронашле скалите што водат до гробницата на Тутанкамон и поминале неколку месеци истражувајќи ја преткомората. Во февруари следната година, тимот ја отворил погребната комора и го открил саркофагот. Гробницата се смета за една од најраскошните откриени во историјата, исполнета со скапоцени предмети за да му помогне на младиот фараон на неговото патување до задгробниот живот.
Колекцијата на гробни предмети вклучувала 5.000 предмети, вклучувајќи цврсти златни погребни чевли, статуи, игри и чудни животни. Големината на погребната комора на Тутанкамон, со оглед на неговата позиција во египетската историја, со години ги збунува експертите.
Извор:
6yka.com
Фото:
Twitter