Во 1950 година, фотографот Жизел Фреунд тргна на двонеделна посета на Мексико, меѓутоа таму се задржа скоро две години. Во Мексико го запозна легендарниот пар - Фрида Кало и Диего Ривера. Парот и` посака добредојде во нивниот дом, така што таа се „нурна“ во нивниот приватен живот и културно - уметничките разновидности во земјата, при што се родија стотици фотографии. Овие моќни фотографии се последните направени пред смртта на Кало, и сведочат за нејзината убавина и талент.