Мазачо, „Даночни пари“ - За откритието на линеарната перспектива можеме да му заблагодариме на архитектот Филип Брунелески. Перспективата постоела и претходно, во сликарството и архитектурата на античка Грција и Рим, но сите записи од тоа време биле изгубени. Пред оваа перспектива, уметничките дела изгледале дво-димензионално, немало илузија на длабочина и простор. Другиот великан од раната ренесанса, Мазачо, целосно ја совладал оваа перспектива.

Сандро Ботичели, „Раѓањето на Венера“ - Што се однесува до инспирацијата за ова величенствено дело, за некои тоа е „Метаморфоза“ на Публиј Овидиј Насон, каде Венера е претставена гола како стои во школка на брегот на морето, додека други сметаат дека тоа се стиховите од Хомеровите химни. Со доаѓањето на ренесансата и враќањето на античкиот идеал, Венера на Ботичели е една од првите женски фигури на тоа време, гола. Дотогаш, во средниот век, сите воглавно морале да бидат покриени.