Дебатниот клуб „АргументУМ“ на Универзитетот „Св. Климент Охридски“ - Битола, со својата супериорна додавка КОЛОРС, продолжува да биде значаен активистички простор за студентите кои сакаат да ги развиваат своите аналитички и комуникациски вештини. Во текот на неколкумесечните активности, клубот покажа дека дебатата не само што е одличен начин за размена на идеи и аргументи, туку и за подобрување на академските способности на студентите. Овој клуб се залага за развој на критичко и креативно размислување, поттикнувајќи ги студентите да ги артикулираат своите ставови и да ги научат основите на
аргументацијата.
Како што истакнува проф. д-р Виолета Јанушева од Педагошкиот факултет во Битола, дебатата е важен инструмент за студентите да ја изразат својата креативност, да ја зајакнат својата самодоверба и да ги развијат способностите за конструктивно соочување со спротивставени мислења. Заедно со проф. д-р Рената Петревска-Нечкоска од Економскиот факултет – Прилеп, иницијаторки за основање на Дебатниот клуб УКЛО КОЛОРС, додека дебатираат, студентите почнуваат подлабоко да ги разбираат општеството и светот во кој живеат. Jанушева објаснува дека дебатата не е само средство за учење, туку и за развој на важни животни вештини што можат да бидат применети во секојдневниот живот, професионалната кариера, па и во пошироката заедница.
„АргументУМ“ не се фокусира само на локални теми, туку и на актуелни глобални предизвици. Клубот се стреми да создаде дискусии кои ќе ја развиваат способноста за решавање проблеми и ќе поттикнуваат развој на критичко размислување преку поставување контроверзни теми и дебати помеѓу две спротивставени страни. Оваа динамична средина ги охрабрува дебатерите да ги истражат сите аспекти на дадената тема и да ги усовршат своите способности за аргументирање. Средбите најчесто се
онлајн, понекогаш и во живо, потенцира и акдемската раководителка на УКЛО КОЛОРС, Рената Петревска-Нечкоска.
Според неа, „АргументУМ“ претставува современ дебатен клуб кој ги интегрира традиционалните методи на дебатирање со новите пристапи кои ги носи Европската алијанса КОЛОРС. Овој клуб е отворен за сите заинтересирани студенти, академски кадар и професионалци, со нагласена интернационална компонента преку соработка со партнерите на КОЛОРС.
Дебатниот клуб УКЛО КОЛОРС ги интегрира различните аспекти на дебатата, како што се изборот на тема, кохерентноста на изјавите, изборот на аргументи, стилот на комуникација и инклузивноста на сите учесници. Студентите имаат можност да се вклучат и во различни дебатни настани, симулации на преговори и меѓународни активности, како што се натпревари и летни школи.
Програмата на клубот се проширува и на интернационално ниво преку соработка со партнерите од Европската универзитетска алијанса КОЛОРС, што ќе вклучува нови натпревари, летни школи и дебатни предизвици. Од УКЛО порачуваат дека Дебатниот клуб „АргументУМ“ е отворен за нови дебатери, академски кадри и сите оние што сакаат да се вклучат. Тој е добро место за сите што сакаат да ја развијат способноста за аргументирање и јавни настапи. Притоа, секој студент има можност да учествува и да ги вреднува своите воннаставни активности, како и да ги искористи можностите што ги нуди Алијансата КОЛОРС.
(Комерцијална објава)