Метро-станицата „Хонгјанцун“ во кинескиот град Чонгкинг е толку длабоко под земја што ви се потребни 10 минути за да се спуштите до неа со подвижни скали. Оваа метро-станица била отворена во 2022 година, а се наоѓа на длабочина од неверојатни 116 метри, што е еквивалентно на висина од 40 ката.

„Хонгјанцун“ се наоѓа на линија 9 од подземниот железнички систем на Чонгкинг, во област позната по своите кривини и бескрајни ридови. За време на изградбата, на работниците им биле потребни дури 38 минути да се искачат од дното на градилиштето до површината. Денес, патниците мораат да поминат низ осум серии подвижни скали за да стигнат до перонот.

Познатиот јутјубер @fischfs сними како изгледа спуштањето до станицата, при што открива елегантен, сив и модерен ентериер и впечатливи подвижни скали.

Потсетува на сцени од „Истребувач“

Но, треба да бидете внимателни затоа што ако се спуштате пребрзо, промената на притисокот може да ви создаде непријатност во ушите. Брзината на подвижните скали можете да ја надминете само со лифтот, кој патем стигнува до станицата за само 53 секунди.

Watch on TikTok

Благодарение на својот уникатен дизајн, оваа станица стана вистинска туристичка атракција. Туристи од целиот свет доаѓаат за да го доживеат овој футуристички облик на превоз. А ова не е единственото необично нешто во Чонгкинг.

Градот, со лавиринт од повеќекатни згради, неонски осветлени облакодери и футуристичка архитектура, го доби прекарот Сајберпанк град поради неверојатната сличност со дистопискиот пејзаж од филмот „Истребувач“. Чонгкинг има дури 298 облакодери повисоки од 100 метри и 26 згради повисоки од 200 метри, со што го зазема 15. место во светот според бројот на високи згради и шесто во континентална Кина.

Watch on TikTok

Невообичаениот урбан распоред, при што делови од градот се високо издигнати над земјата, на жителите и туристите им создава чувство дека речиси не можат да стапнат на земјата. Постојат дури и надворешни подвижни скали за кои се плаќа билет, а кои ги поврзуваат различните нивоа на градот.

Меѓу најпознатите атракции е станицата „Лизиба“, која минува низ станбена зграда од 19 ката, односно се протега меѓу шестиот и осмиот кат, каде што има и станови. Иако на прв поглед изгледа како плод на лошо планирање, оваа структура е намерно осмислена и изградена како единствена, интегрирана целина.

Облакодерот е поделен на два дела: долниот дел со седум ката е дел од станицата, а останатите 11 ката се станбен простор.

Извор: Net.hr
Фото: Wikipedia