Островот Елијан Мор, лоциран во Лох Сунарт на западниот брег на Шкотска, се продава за околу 385.000 евра.
Островот, со површина од 30 хектари, е рај за љубителите на птици и диви животни. Има прекрасни зелени ритчиња и кристално чисто море, што овозможува прекрасен поглед на околината.
Со своето мирно опкружување, далеку од градскиот метеж, ова скриено засолниште нуди три плажи идеални за оние што бараат одмор од брзиот урбан живот.
Меѓутоа, постои една значајна пречка. Поради географската локација, пристапот до островот е можен само со чамец или по преку насип за време на повлекување на морето. Исто така, островот нема дозвола за урбанистичко планирање бидејќи е дел од заштитено подрачје од научен интерес (Sunart SSSI) и подрачје за специјална заштита (Sunart SAC).
Островот има и историја на аџилак која трае речиси 1.000 години. Иако животот на островот е мирен, најблиското село Стронтијан се наоѓа на само седум минути со автомобил.
Совршен за краток одмор
Стронтијан е мало село сместено на езерото Лох Сунарт, опкружено со древни шуми, огромни секвои и полско цвеќе. Посетителите можат да шетаат по патеките, вклучувајќи ги и оние по должината на брегот на езерото, каде што можат да забележат видри и морски орли.
За оние што бараат сместување, на располагање се неколку куќи и пансиони. Селото има и низа услуги, вклучувајќи продавници, црква, кафуле, основни и средни училишта, како и лекарска ординација.
Дополнително, градот Форт-Вилијам се наоѓа на околу 25 километри и нуди широк спектар на активности и атракции. Градот е влез во Бен Невис, највисокиот врв во Обединетото Кралство, како и долината Глен Невис.
Во близина е и планинското одморалиште Невис Рејнџ, каде што се наоѓаат скијачки патеки и шумски патеки. Во центарот на градот посетителите можат да го посетат музејот „Вест Хајленд“, кој ги истражува регионалната историја и живот. За возрасните, се препорачува посета на дестилеријата Бен Невис, која се фокусира на производство на виски.
Извор:
b92.net
Фото:
Instagram