Патниците на брод за крстосување добиле строги инструкции од капетанот.

Патниците на бродот „Квин Ана“ биле сведоци на една од реалните опасности од пловењето низ светот во огромен луксузен брод.

111-ноќното патување започнало од Германија во јануари, а неодамна бродот бил виден како патува меѓу Дарвин, Австралија и Манила на Филипините, минувајќи низ Сулското Море.

Но, тоа искуство доаѓа и со многу опасности, а не станува збор за немирни океани или лошо време. Во еден момент од патувањето, во соопштение преку звучник, капетанот на бродот ги информирал патниците дека ќе работат на „повисоко ниво на безбедносна будност“ затоа што минувале низ области во кои има пирати.

Како резултат на тоа, на патниците им било кажано дека надворешните палуби на шеталиштето ќе бидат затворени во текот на ноќта, а само основните светла на отворените палуби ќе останат вклучени за да се минимизира видливоста на бродот.

Покрај ова, гостите биле замолени да ги исклучат светлата во своите соби и да ги затворат завесите.

На социјалните мрежи почнало да кружи видео снимено од гостин на бродот, а многумина го коментирале нивното изненадување од ситуацијата. Имено, корисниците истакнале дека ситуацијата звучи застрашувачка и дека се шокирани што пиратите навистина постојат.

Watch on TikTok

Додека бродовите редовно ги преземаат мерките на претпазливост, ретки се нападите на бродовите за крстосување бидејќи пиратите вообичаено напаѓаат нафтени танкери и контејнерски бродови.

- Како дел од стандардните поморски процедури, нашите капетани може да даваат претпазливи најави кога пловат низ одредени региони. Немаше конкретна закана за бродот или неговите гости - изјавиле од компанијата.

Извор: unilad.com

Фото: Freepik