„Блумберг“ го прогласи Сингапур за најдобро место за живот за време на пандемијата. Оваа островска земја го замени Нов Зеланд, а причината за тоа е брзината на вакцинацијата. Според „Блумберг“, во Сингапур се вакцинирале речиси 20% од жителите. Во земјата живеат 5,7 милиони жители.

Нов Зеланд досега вакцинирал само околу 1,9% од населението. Австралија се наоѓа на третото место, а во оваа земја досега се вакцинирале околу 3,7% од жителите. Помеѓу првите десет се наоѓаат и Израел, Тајван и Јужна Кореја.

„Блумберг“ ја составува листата врз основа на повеќе фактори, како бројот на заразени лица, стапки на смртност и процент на население што било вакцинирано. Се земаат предвид и фактори за квалитетот на животот, како строгоста на мерките против ширење на заразата и здравствената грижа. Според „Блумберг“, Сингапур, Нов Зеланд и Австралија им овозможуваат на жителите квалитет на живот како оној пред пандемијата, со исклучок на можноста за меѓународно патување.


Животот во Сингапур се враќа во нормала од минатиот јуни, кога се овозможи отворање на продавниците, хотелите, кината и религиозните места со ограничен капацитет. Од ноември повторно се нудат крст, а од декември се дозволени и јавни настани со најмногу 250 луѓе. Месецов до 75% од работниците може да се вратат во канцеларија.

Последнава недела во Сингапур има просечно 29 позитивни случаи дневно, од кои повеќето се жители што се вратиле од странство и веќе се во карантин. Во Сингапур само 30 луѓе починале како последица од коронавирусот.

Автор: Кејти Ворен
Извор: insider.com