Има голем проблем со бункерите што богатите ги купуваат за во случај на нуклеарна војна

Како што сè повеќе богаташи брзаат да купат и да изградат засолништа, експертите сугерираат дека тие се малку повеќе од психолошки одбранбен механизам за богатите кои сакаат да чувствуваат дека имаат контрола во непредвидливиот свет.

Според известувањата на одредени медиуми, бизнисот со бункери во 2023 година имал вредност од 137 милиони долари и се очекува до крајот на деценијата да порасне на 175 милиони долари.

Според експертите, сепак, овие засолништа се поефикасни во справувањето со анксиозноста отколку со нуклеарната реалност. Сепак, на крајот ќе треба да излезете од бункерот и да се соочите со ужасната ситуација на површината.

- Бункерите, всушност, не се алатка за преживување нуклеарна војна, туку алатка за овозможување популацијата психолошки да ја издржи можноста за нуклеарна војна - објаснува Алисија Сандерс - Закре од Меѓународната кампања за ставање крај на нуклеарните оружја.

Радијацијата по детонација на нуклеарна бомба, како што објаснува таа, е особено страшен аспект на нуклеарните оружја. Дури и оние што ќе ги преживеат последиците, кои вклучуваат и радиоактивни честички кои паѓаат во областа околу местото каде што би била фрлена бомбата, нема да можат да избегаат од долгорочните последици врз здравјето, како оние што биле забележани по настаните во „Чернобил“. Според неа, единственото решение за заштита на населението од нуклеарна војна е елиминацијата на нуклеарното оружје.

Подготовките за „судниот ден“ се нешто што секогаш асоцира на Американците, но оживувањето на бункерите не е баш нивна одлика. Во Швајцарија веќе се инвестираат стотици милиони долари за подобрување на состојбата на бункерите од периодот на Студената војна.

Извор: Futurism
Фото: Freepik