Мал инцидент предизвика доцнење на 125 јужнокорејски возови

Јужна Кореја е позната по својот ефикасен и точен јавен транспортен систем, додека метрото е клучен дел од секојдневниот живот на милиони жители.

Сепак, дури и најверодостојните системи можат да наидат на проблеми. Така, неодамна еден навидум мал инцидент предизвика доцнење во градската железничка мрежа.

Сè се случило во понеделникот наутро кога имало најголем метеж. Имено, возниот оператор на линијата 2 морал итно да оди во тоалет. Иако неговата пауза траела само четири минути, таа предизвикала домино-ефект и го одложила тргнувањето на дури 125 воза.

Несреќниот оператор морал да застане на станицата, да најде тоалет на вториот кат и да се врати во возот, што траело неколку минути и - предизвикало нарушување на редот на возење на една од најфреквентните линии во Сеул.

Локалните медиуми јавуваат дека додека операторот бил отсутен, возот морал да биде поместен, што влијаело врз другите возови од истата мрежа. Некои доцнеле 20 или повеќе минути.

Минимално влијание врз патниците

Инаку, во кружните линии на метрото во Сеул операторите обично возат долги дестинации, често два до три часа без пауза. Иако се достапни „тоалети за итни случаи“, тие не се идеални за редовна употреба.

И покрај одложувањата, властите велат дека целокупното влијание врз патниците е минимално. Повеќето можеле да стигнат до своите дестинации без многу непријатности.

Извор: Telegraf.rs
Фото: Freepik