Дејвид Швимер открива што многу го нервирало во серијата „Пријатели“

Познатиот актер Дејвид Швимер, кој остана запаметен по улогата на Рос Гелер во култната серија „Пријатели“, откри нешто што долго време го мачело - воведната песна „I’ll Be There For You” од бендот „Рембрантс“ му одела на нерви.

Иако серијата заврши уште во 2004 година, таа и ден-денес ужива огромна популарност и постојано привлекува нови генерации гледачи благодарение на нејзината достапност на стриминг-платформите. Но, Швимер неодамна гостуваше во поткастот „Мејкинг а син“ каде што откри дека со години ги избегнувал и серијата и нејзината препознатлива музика.

- Искрено, никогаш не ја гледав повторно по завршувањето на снимањето. Снимав, завршив, продолжив понатаму. Немав потреба да се враќам на тоа - изјави актерот.

Иако улогата му донесе светска слава, Швимер признава дека чувствувал непријатност секогаш кога ќе ја слушнел песната.

- Толку многу пати ја имам слушнато, што реагирав инстинктивно. Секогаш кога ќе се појавев во некоја емисија, со таа музика бев најавуван. Не ми беше пријатно - објаснува тој.

Но, неговиот однос кон серијата и кон песната целосно се променил кога неговиот 9-годишен син првпат почнал да ја гледа серијата „Пријатели“.

- Едно утро, додека му приготвував појадок, го слушнав како се смее додека гледаше една од епизодите. Одеднаш, сè ми изгледаше поинаку, и серијата и песната - вели Швимер.

Извор: Nezavisne.com
Фото: Twitter