Холандски средношколци го поминале Атлантскиот Океан со брод за да стигнат дома
Подготвил:
Драгана Петрушевска
Лектор:
Ивана Кузманоска
25 холандски
средношколци со мало пловечко искуство во неделата го завршија прекуатлантското патување кое биле принудени да го направат поради пандемијата на коронавирусот.
Учениците, на возраст од 14 до 17 години, биле придружувани од 12 искусни членови на екипаж и тројца професори. Групата била на едукативно крстосување на Карибите кога пандемијата ја принудила да го смени планот за враќање дома во март.
Плановите за враќање се менувале повеќепати поради ограничувањата наложени од владите поради пандемијата. Според првиот план, учениците требало да се вратат дома со авион од Куба. Наместо тоа, тие купиле намирници и топла облека и тргнале на пат со брод до Холандија. Патувањето траело пет недели, а учениците поминале речиси 7.000 километри.
„Мастерскип“, компанијата која го организирала крстосувањето за учениците, организира пет едукативни патувања за околу 150 ученици годишно. Директорот на компанијата, Кристоф Мејџер, изјавил дека компанијата ја проверила здравствената состојба на учениците во март. Според него, добро е што учениците лесно се адаптирале на животот на море и продолжиле со образованието во текот на патувањето.
Автор: Александар Фуртула
Извор:
apnews.com
Фото: Instagram