Немате пари за патување, а сакате свеж воздух? Задоволете се со конзервиран воздух
Подготвил:
Тамара Гроздановски
Лектор:
Ивана Кузманоска
Посетителите на езерото Комо во Италија сега можат да понесат со себе необичен сувенир - конзерва со локален воздух.
Овој необичен производ, кој содржи 21 отсто кислород и мал процент аргон, јаглерод диоксид, азот и неон, наводно доаѓа директно од брегот на познатото езеро.
Зад овој проект стои маркетинг-агенција, а идејата, според Даниеле Абањале, е да им се овозможи на туристите да земат воздух од езеро каде било во светот.
Сувенир или маркетиншки трик?
Иако звучи како едноставен маркетиншки трик, конзервираниот воздух не е новост. Приказната за овој необичен сувенир датира од 20 век кога Италијанецот Џенаро Караволо продавал лименки на кои пишувало дека во нив има воздух од Непал. Неговиот производ претставувал алегорија на италијанската снаодливост и креативност, а неговите лименки станале симбол на снаодливоста.
Конзервираниот воздух во туризмот
Денес, конзервираниот воздух се продава низ целиот свет, од швајцарските планини до островот Ман. Цената на овие конзерви може да достигне и до 10 евра, а секоја има свои карактеристики и описи: од лекување на носталгијата до опојувачки воздух од Кина.
Подигнување на свеста за загадувањето
Некои компании користат конзервиран воздух за да ја подигнат свеста за загадувањето. На пример, британската компанија „Аедаер“ нуди воздух од области со извонредна природна убавина и го инвестира целиот приход во производство на маски за дишење. Од друга страна, една канадска компанија им продава свеж воздух од Канада и Швајцарија на жителите на Кина и Индија, каде што квалитетот на воздухот е загрозен, обезбедувајќи 160 вдишувања по конзерва.
Симбол на хумор и екстраваганција
Научниците истакнуваат дека конзервираниот воздух има минимални здравствени придобивки, но како сувенир – стана симбол на хуморот и екстраваганцијата. Иако не дава опипливи придобивки, туристите го купуваат како уникатен сувенир, потсетник на местата што ги посетиле, па дури и како подарок со доза на иронија.
Извор:
24sedam.rs
Фото:
Twitter