Истражување покажува дека постарите претприемачи се исто толку успешни колку и помладите

Од Стив Џобс до Марк Закерберг, приказните за успешните млади иноватори се насекаде. Сепак, вистината е дека постарите претприемачи може да бидат исто толку успешни како и помладите. Згора на тоа, постарите жени-претпремачи се поуспешни во водењето бизнис од помладите.

Ова се дел од откритијата на Хао Џао, професор по менаџмент на факултет при политехничкиот институт „Ренселер“, во неговото истражување објавено неодамна.


- Важно е да се поправат негативните стереотипи на луѓето за постарите претприемачи и да се охрабрат луѓето во подоцнежните животни фази да станат претприемачи - вели Џао.

Џао и неговите колеги направиле анализа на 102 примери и откриле дека шансите за успех кај луѓето што основаат бизнис во нивните 20-ти години се исти како и на оние што станале претприемачи во нивните 50-ти години. Иако помладите претприемачи генерално почесто се вклучени во иновации на нови технологии, како и преземање храбри ризици, нивните постари колеги имаат повеќе мудрост и финансиски капитал, но и познаваат повеќе луѓе од бизнис-сферата.


Џао открил дека постарите претприемачи се позадоволни и имаат поголем финансиски успех од работата отколку помладите. Нивниот единствен недостаток е малку послабите стапки на развој бидејќи нивните компании почесто се поголеми.

Истражувањето открило и дека возраста позитивно влијае врз успехот на жените-претприемачи. Според Џао, шансите на жените за успех во претприемништвото се поголеми во нивните позрели години. За оние жени во 30-тите и 40-тите шансите не се толку добри, а најголема причина за тоа се грижата за децата и обврските околу постарите роднини.

Извор: eurekalert.org