Најубавите плажи што можете да ги посетите во регионот
Подготвил:
Драгана Петрушевска
Лектор:
Ивана Кузманоска
Во регионот има летувалишта со прекрасни плажи. „ТУ магазин“ состави листа со најубавите плажи во регионот во кои може да уживате ова лето.
Златен 'Рт, Хрватска
Ова веројатно е најпозната плажа на Јадранското Море, а е сместена во местото Бол, на јужниот брег на Брач. Плажата има впечатлив облик кој се менува со приливот и одливот и е идеална дестинација за љубителите на водените спортови.
Опрна, Хрватска
Плажата Опрна се наоѓа во мал залив во близина на местото Стара Башка. Таа е прилично непристапна, но туристите одат таму поради нејзината убавина. Плажата се смета за најубавата на островот Крк.
Јаз, Црна Гора
Јаз е плажа која се наоѓа на околу 2,5 километри западно од Будва. Плажата е една од најубавите и најпопуларни во Црна Гора, а покрај неа има и шеталиште со ресторани и кафулиња.
Свети Стефан, Црна Гора
Плажата се наоѓа до познатиот остров-хотел и е составена од два дела кои се одвоени со мост кој води до островот. Левата плажа е градска, а десната му припаѓа на хотелот.
Копакабана, Црна Гора
Таканаречената јадранска Копакабана се наоѓа во Улцињ. Долга е 13 километри и е прекриена со ситен песок. Од градот е оддалечена околу 5 километри, а се проценува дека може да собере околу 150.000 посетители.
Ксамил, Албанија
На југот на Албанија се наоѓа местото Ксамил кое е едно од најпосетуваните одморалишта во Албанија. Плажите се песочни, морето е кристално чисто, а природата недопрена. „Гардијан“ ја вклучил оваа плажа во листата со најповолни дестинации за летување.
Извор:
TU magazin
Насловна фотографија: Pixabay