ДЗС: Трошоците за живот лани зголемени за 9,4 проценти во споредба со 2022

Трошоците на живот лани во споредба со 2022 година биле зголемени за 9,4 проценти, а цените на мало за 7 проценти, објави денеска Државниот завод за статистика.

Во декември трошоците на живот се зголемени за 0,2 проценти во споредба со ноември, а цените на мало за еден процент.

Пораст на индексите е забележан во групите мебел, покуќнина и одржување на домаќинствата за 13,6 проценти, ресторани и хотели за 12,7 проценти, храна и безалкохолни пијалаци за 11,7 проценти, разновидни стоки и услуги за 11,6 проценти, домување, вода, електрика, гас и други горива за 10,4 проценти, алкохолни пијалаци, тутун и наркотици за 8 проценти....

Намалување има кај свежото и разладеното овошје, рибата и морските плодови, течните горива за домаќинствата, услугите за сместување, парамедицинските услуги, растенијата и цвеќињата, малите електрични апарати за домаќинствата, големите електрични апарати за домаќинствата, резервните делови и приборот за сопствените превозни средства...

Кај цените на мало, пораст на индексите е забележан во сите групи: индустриско-прехранбени производи за 12,5 проценти, пијалаци за 9,7 проценти, земјоделски производи за 8,5 проценти, услуги за 6 проценти и индустриско-непрехранбени производи и тутун за 5,3 проценти.