Научниците предлагаат стратегија за заштита на речиси една третина од светските океани

Објавено пред гласањето за ова прашање во Обединетите нации, истражување опишува план за стратегија што многумина ја сметаат за клучна за зачувување на дивиот свет и справување со климатските промени.

Отворените океани, подрачја надвор од националните води, покриваат повеќе од две петтини од површината на Земјата.

Извештајот предупредува дека глобалните океани се изложени на ризик од риболов, рударство во длабокото дно, пластика и други загадувачи, како и потопли и покисели мориња предизвикани од емисиите на јаглерод.


Истражувањето беше спроведено од академци од Универзитетот „Јорк“ и Универзитетот „Оксфорд“ во соработка со „Гринпис“.

- Брзината со која отворените мориња го исцрпуваат нивниот морски свет го изненади светот - вели професорот Калум Робертс, биолог за заштита на морските води на Универзитетот во Њујорк.

- Вонредните загуби на морски птици, желки, ајкули и морски цицачи откриваат нарушен систем на управување што владите на ОН мора итно да го поправат.

- Извештајот покажува колку заштитените подрачја може да се пренесат низ меѓународните води за да се создаде мрежа за заштита што ќе помогне да се спасат видовите од исчезнување и да преживеат во нашиот свет што брзо се менува - додава професорот Робертс.

Истражувањето ги раздвојува глобалните океани во единици од 100 квадратни километри и ја мапира дистрибуцијата на диви животни и живеалишта како ајкули, китови, подводни планини и хидротермални отвори што ја поддржуваат уникатната природа. Истражувањето го моделира најдобриот начин за целосна заштита на 30 или 50 отсто од глобалните океани за да обезбеди дека стотици важни карактеристики за зачувување се заштитени на најефикасен начин, додека се минимизираат влијанијата од човечката активност како што е риболовот.

Најефикасниот дизајн вклучува постојни морски заштитени подрачја во Јужниот Океан и Северниот Атлантик и ранливи области затворени за риболов од регионалните организации за управување со риболовот.

Дизајните преместуваат само 20 до 30 отсто од постојната рибарска активност, покажувајќи дека мрежите што покриваат цел спектар на див свет и живеалишта може да бидат создадени со ограничено економско влијание.

- Во текот на наредните 18 месеци владите во светот имаат единствена можност да воспостават глобална рамка за заштита на океаните. Работејќи заедно можеме да ја олесниме заштитата на 30 отсто од светските океани до 2030 година, преку мрежа на целосно заштитени океански засолништа - вели Луиса Касон, активист од „Гринпис“.