Фасцинантна анимација покажува како кружат планетите во Сончевиот Систем

Познато е дека Сонцето е центарот на нашиот Сончев Систем и сите планети кружат околу него. Но, тоа не е сосема точно бидејќи планетите, заедно со Сонцето кружат околу тежиштето на нашиот Сончев Систем.

Џејмс Одоног, планетарен научник во Јапонскиот центар за вселенски истражувања (ЈАХА) објаснува дека сè орбитира околу тежиштето на Сончевиот Систем, дури и Сонцето. Тој споделил фасцинантна анимација направена со помош на податоци од НАСА за да покаже како планетите и Сонцето кружат околу тежиштето на нашиот Сончев Систем.

Сонцето е центарот на нашиот Сончев Систем, но центарот на Сонцето не е лоциран точно во тежиштето на Сончевиот Систем. Поголемиот дел од останатата маса во Сончевиот Систем, која најмногу ја сочинуваат планетите како Јупитер и Сатурн, влијае на Сонцето со гравитациската сила.

Како што објаснува Одоног, велиме дека кружиме околу центарот на Сонцето, но тоа се случува ретко бидејќи тежиштето на Сончевиот Систем ретко одговара со центарот на Сонцето.

Did you know planets don't technically orbit the Sun? Instead, everything orbits the Solar System center of mass, even the Sun! While the Sun contains 99.8% of the Solar System's mass Jupiter holds most of the rest (Saturn is 2nd), so the Sun actually orbits Jupiter slightly — pic.twitter.com/npZ8OaIFWB

— Dr James O'Donoghue (@physicsJ) July 3, 2020

Извор: mashable.com