Успешното справување со коронавирусот на Фарските Острови се должи на еден ветеринар

Еден ветеринар кој ја адаптирал својата лабораторија за да прави тестови за коронавирус најмногу придонел за одбегнување смртни случаи од коронавирус на Фарските Острови.

Оваа островска група направила тестови на најголем процент од населението во споредба со кое било друго место во светот. Само едно лице заболено од Ковид-19 е хоспитализирано на Фарските Острови во моментов. Досега немало смртен случај од болеста. Градинките и дел од основните училишта ќе бидат отворени на 20 април.


Локалните политичари велат дека успехот во пристапот на островската група кон заразата се должи на ветеринарот Дебес Кристијансен, кој работи во лабораторија за болести кај рибите и животните.

Кристијансен ја предупредил владата на почетокот од јануари дека се потребни подготовки за потенцијалното ширење на вирусот од Кина. Неговата лабораторија била адаптирана за тестирање на луѓе.

Според официјалните податоци, 10% од населението се тестирале, а лекарите ги следеле сите што биле во контакт со оние 184 луѓе кои имале позитивен тест. Досега оздравеле 131 лице.


- Многу беше лесно да се адаптирам. Единствената работа што ја сменив беа дел од состојките - вели Кристијансен.

Лабораторијата има капацитет за 1.000 тестови дневно доколку е потребно.

Автор: Даниел Бофи
Извор: theguardian.com