Трикови за пребарување на „Нетфликс“: Откријте што се крие зад кодот „9875“

Пребарувањето на „Нетфликс“ е вообичаена активност бидејќи содржината е навистина обемна, но понекогаш е тешко да се одлучите што да гледате. Често помага ако знаете кој жанр ве интересира, но рачното пребарување низ менито може да трае прилично долго. За среќа, постои решение!

Корисниците открија „тајни“ кодови што можат да се внесат за да си го олесните пребарувањето, а еден код особено ги изненадил.

„Нетфликс“ е познат по одличните филмови и серии, но во последниве години стана синоним за жанрот на крими-документарци. Тоа е резултат на успешноста на документарците и сериите од овој тип во цел свет.

Ако сте љубител на мрачни приказни и напнати криминални случаи, ќе се израдувате на веста дека ако го внесете кодот „9875” во пребарувачот на „Нетфликс“, ќе добиете список со сите најпопуларни наслови од овој жанр на оваа платформа.

Како функционираат кодовите?

Процесот е полесен отколку што мислите:

- Отворете интернет-пребарувач;
- Вметнете ја оваа URL адреса: http://www.netflix.com/browse/genre/;
- На крајот од URL-то додајте го кодот за посакуваниот жанр (на пример, „8711” за хорор);
- Притиснете „Ентер“ и веднаш ќе добиете листа со наслови од избраната категорија.