Подарок за пчелите оставен на покривите на автобуските постојки
Подготвил:
Тамара Гроздановски
Лектор:
Ивана Кузманоска
Во холандскиот град Утрехт покривите на 316 автобуски постојки се покриени со растенија како подарок за пчелите.
Оваа зелена површина не само што ја поддржува биолошката разновидност на градот, како пчелите и бумбарите, туку и помага во фаќањето на фината прашина и ја чува дождовницата.
За зелените површини се грижат работниците што возат електрични возила, а автобуските постојки се опремени со енергетски ефикасни ЛЕД-светла и клупи од бамбус. Тие се само една од низата мерки што Утрехт ги воведе во обид да го подобри квалитетот на воздухот.
Фото: Utrecht Township
Исто така, Утрехт создаде шема што им овозможува на жителите да аплицираат за
финансирање што ќе им овозможи трансформирање на нивните покриви во зелени покриви.
Фото: Utrecht Township