Скриените пораки на униформите на стјуардесите

Да се биде стјуардеса е важна и престижна професија. Тие се заштитно лице на авиокомпанијата, а за да го креираат дизајнот на нивните униформи, компаниите ги ангажираат најеминентните дизајнери, како што е Вивиен Вествуд.

Тие создаваат облека што не само што е убава и привлечна, туку крие и тајни. „Брајт сајд“ ги истражуваше пораките скриени на униформите на стјуардесите.


Традиционалната боја на француската компанија „Ер франс“ е темносина. Компанијата ја користи оваа шема на бои повеќе од 70 години. Но, дизајнерот Кристијан Лакроа додаде светлоцрвен појас и ракавици на униформата за да можат полесно да бидат забележани во толпата.


Облеката за стјуардесите од компанијата „Чајна истерн ерлајнс“ ја разви Кристијан Лакро. Униформата се базира на идеите за едноставност, убавина и скромност. Црвениот појас и додатоците ја прават униформата пожива. Покрај тоа, шамијата на вратот и тркалезната плоча на ременот имаат традиционални кинески дезени. На овој начин униформата ги комбинира западната мода и источниот идентитет.


Униформата на „Делта ерлајнс“ претрпе големи промени со текот на годините. Во 2018 година Зак Розен, дизајнерот кој ја облекува пејачката Ријана, создаде нов дизајн. Тој избра 3 основни бои: виолетова, сива и црвена. Боите имаат смешни имиња кои се поврзани со летање и патување. На пример, тие не се само виолетови и сиви, туку „графит со основите на брзината“.


Во минатото стјуардесите на „Вирџин атлантик“ носеа прилично широки јакни. Но, дизајнерот Џон Роча претстави потенка силуета и форма на „V“ за да го направи персоналот да изгледа поделовно и порелаксирано.

Подоцна, Вивиен Вествуд ја подобри униформата и ја направи поженствена и поелегантна. Шефот на компанијата вели дека нивните вработени се чувствуваат подобро и работат подобро во добра облека.


Униформата за јапонската авиокомпанија, AНA (Ал нипон ервјес), е развиена од дизајнерот Прабал Гурунг, кој ја обожава Лејди Гага. Костимите со светлосива боја се совршено комбинирани со синото лого на АНА. И светлите шалови со цветни модели покажуваат дека компанијата го почитува јапонското наследство.


„Етихад ервејс“ е компанија од ОАЕ, а нејзините марами имаат скриено значење. Тие се симбол на десетгодишна соработка со Формула 1. Дизајнот го разви Дијана фон Фирстенберг.


Овие униформи за „Чајна ерлајнс“ беа дизајнирани од Вилијам Чанг, кој всушност беше номиниран за „Оскар“ за најдобар костим. Униформата е базирана на националниот кипао фустан што ги покажува нежноста и скромноста на Азијките. Дизајнерот се обиде да ја задржи традицијата и да ги вклучи модерните модни концепти.


Униформите на стјуардесите на „Сингапур ерлајнс“ не се сменети повеќе од 50 години. Тесното здолниште на прв поглед изгледа непрактично, но има една тајна. Во итни случаи, предниот шлиц им помага на стјуардесите да го врзат здолништето над коленото за да го скратат и да им овозможат полесно движење.