Лекции што повеќето луѓе ги учат предоцна во животот

Во животот често учиме важни лекции само откако ќе помине долго време или кога е предоцна. Меѓутоа, за да избегнеме такви ситуации, клучно е да учиме еден од друг и подобро да го разбереме светот околу нас. Начинот на кој ја толкуваме реалноста директно влијае врз нашите одлуки и верувања. Перцепцијата создава предрасуди, како и љубопитност; страв, но и разбирање. Наше е да одлучиме дали ќе ги прошириме нашите хоризонти и ќе ја искористиме максимално секоја можност што ни ја нуди животот.

Перцепцијата е реалност

Вистина е дека начинот на кој го толкуваме и разбираме светот директно влијае врз нашите верувања и начинот на кој ги живееме нашите животи. Перцепцијата создава предрасуди исто толку колку што создава разбирање. Создава страв исто колку и љубопитност. Прашањето е само дали сакаме нашата реалност да биде тесна или широка и дали блаженството на незнаењето ќе ни биде доволно или ни треба повеќе.

Вистината е дека повеќето луѓе сакаат повеќе. Дури и ако тоа е на потсвесно ниво. Луѓето обично сакаат да пребаруваат. Од лулка до гроб, нашето општество ја нагласува важноста на образованието. Учењето и откривањето е она што го правиме, но сè потешко е да се разбере она што не го разбираме.

За да дознаеме што не знаеме, прво треба да се запрашаме: Што не знам и за што сакам да дознам повеќе?

Најважно е да разбереме дека е во ред да се прават грешки. Растот се крие во грешките.

Сè е привремено

Нашите добри времиња се привремени, а исто така и нашите лоши времиња. Затоа уживајте во нив и бидете благодарни за тоа. Кога ќе дојдат лошите, знајте дека ќе ги поминете. Тоа не е крај, туку само тежок период кој изминува. Животот е полн со пресврти, подеми, падови и изненадувања.

Забораваме дека животот е патување, а не дестинација

Во сè има поука. Се чини дека многу луѓе - особено млади луѓе, тешко го ценат животот. Препознавањето на целосното значење на нечии тешкотии и грешки е клучно за почитување на ова патување. Еднакво е важно да останеме понизни и да бидеме благодарни за радостите што ни ги дава животот.

Сè е привремено, затоа треба да го извлечете максимумот од сè.

Важноста на присуството

„Ако сте депресивни, живеете во минатото. Ако сте вознемирени, живеете во иднината. Ако сте во мир, живеете во сегашноста“ - Лао Це.

Често се грижиме за тоа што ни претстои или тагуваме поради нешто што веќе се случило. Иако е важно да се грижите и да размислувате за вашата иднина, не треба да дозволите тоа да ви пречи на сегашноста. Моментите стануваат спомени. Уживајте во моментот додека го имате.

Да се живее во минатото е еднакво непродуктивно. Сигурно има предности ако се погледнеме себеси и нашето минато. Важно е да внимаваме низ што сме поминале и како тоа нè прави да се чувствуваме. Потребна е многу емоционална енергија за да тагувате, обработите и надминете нешто.

Рамнотежата помеѓу можноста да одвоиме време за размислување и да дадеме приоритет на нашата иднина додека го поминуваме најголемиот дел од нашиот ден во сегашноста е бесценета, таа го менува животот.

Правете го она што го сакате, сакајте го она што го работите

Нашата работа е важен аспект во нашиот живот. Ако не сме среќни и задоволни со работата што ја работиме, таа несреќа ќе навлезе во други аспекти од нашите животи. И иако ништо не е совршено, важно е да работите на себе и да се поставите така што ќе работите на остварување на целите и задоволствата што ги сакате.

Ова важи и за нашиот живот надвор од работата. Кои навики и хоби сакаме да ги прекинеме, а кои сакаме да ги развиеме и започнеме? Важно е да бидеме свесни за типот на луѓе и активности со кои сме опкружени. Информациите се како хранливи материи за нашиот мозок и треба да бидеме свесни за тоа што внесуваме во себе. Успехот не е момент на триумф. Успехот е серија моменти (и избори) кои водат до поголеми моменти. Само ние самите можеме да застанеме на патот и да се спречиме да го правиме она што го сакаме секој ден.

Боб Дилан најдобро го кажал тоа: „Што се парите? Човекот е успешен ако станува наутро и легнува навечер, а помеѓу тоа го прави она што сака да го прави“.

За да бидеме среќни, треба да работиме на тоа

Најсреќните луѓе обично се оние што најмногу се труделе и работеле на себе. Да се биде среќен бара многу работа. Потребна е исто толку работа - ако не и повеќе, за да бидете несреќни. Затоа изберете мудро. Да се биде среќен значи дека во одреден момент сме решиле да ја преземеме контролата врз нашите животи. Тоа значи дека сме решиле да не бидеме жртва и таа енергија да ја насочиме назад во себе. Некогаш е тешко, но мораме да се подигнеме и да продолжиме напред.

Една од најлошите работи што можеме да ги направиме за нашиот сопствен развој е да се споредуваме со другите луѓе. Лесно е да се падне во љубомора и желба за она што го имаат другите. Особено поради начинот на кој се поврзуваме преку социјалните медиуми. Мораме да имаме на ум дека луѓето обично ги прикажуваат само најдобрите делови од својот живот на тие платформи. Не е фер кон себе кога ќе помислиме „и јас сакам да го направам тоа“ или „сакам да бидам како нив“. Не само што нè одвлекува од тоа да бидеме благодарни за она што го имаме во нашите животи, туку таквото размислување не прави ништо продуктивно за нас. Најчесто нашата перцепција за нечиј живот е заблуда и фикција. А и да не е, да се фокусираме на себе. Нашиот пат е она со кое треба да се занимаваме.

Да се биде среќен, потребно вежбање. Без разлика дали учиме да се откажеме од нашето его или стекнуваме навика да се сакаме себеси… потребна е практика. Имаме само еден живот и треба да работиме што е можно повеќе за да го направиме најдобар што може да биде.

Извор: eklinika.telegraf.rs

Фото: Freepik