Научниците заинтригирани од човекот чиј мозок се претворил во стакло
Катаклизмичната ерупција на планината Везув во 79 година од нашата ера ги фасцинира истражувачите и историчарите со векови. Од почетокот на 18 век инженерите ги ископуваат остатоците од градовите Помпеја и Херкуланеум, замрзнати во насипите од вулканска пепел.
И од сите приказни, една за 20-годишен маж чиј мозок навидум се претворил во стакло може да биде најмистична.
Парче стакло во зачуваниот череп на човекот од Херкуланеум првпат било откриено во 2020 година, како резултат на истражувањето дека проценетите температури во двата осудени града надминале 900 Целзиусови степени во некои точки за време на катаклизмата. Истражувачите биле збунети бидејќи на таа температура мозочната материја треба да се стопи во гума, а не да се зацврсти во стакло. Од околу 2.000 тела ексхумирани од урнатините, само мозокот на овој човек бил зачуван на овој начин.
Благодарение на трудот објавен годинава во „Њу Ингланд журнал за медицина“, можеме дури и да видиме како изгледа овој стаклен мозок.
фотоизвор: New England Journal of Medicine
Прашањето за тоа како главата на овој човек содржи парче стакло стана жешка тема за археолозите и научниците кои го проучуваат вулканскиот настан. Излегле голем број хипотези. А сега, нова анализа на истражувачи од Универзитетот „Рома Тре“ открива убедливи докази дека тоа се остатоци од човечки мозок, составени од органско стакло формирано на високи температури, процес на зачувување никогаш претходно документиран за човечко или животинско ткиво.
Студијата фрла нова светлина врз процесот кој го зачувал мозокот на човекот илјадници години, што е многу невообичаено.
Истражувачите претпоставуваат дека човекот навистина бил спржен од наплив на супер жешка пепел додека лежел во својот кревет, кој му го загревал мозокот до температурата потребна за производство на стопено стакло, распарчувајќи го на парчиња. Иако повеќето од мозочните фрагменти биле тешко оштетени, некои преживеале целосно уништување благодарение на уникатната положба на черепот и 'рбетот на човекот во моментот на неговата смрт - што исто така објаснува зошто тој бил единствениот што победил во „стаклената лотарија“.
Како што воздухот се враќал на амбиенталната температура, тој брзо се оладил за стотици степени, па еден од преостанатите мозочни делови на младиот човек станал цврста маса.
Оттаму, она што останало од неговото тело било закопано со слоеви стопена пепел, карпи и гас кои течеле низ Херкуланеум на пониски температури отколку во Помпеја, зачувувајќи го стаклениот мозок на човекот.
Извор: futurism.com
Фото: New England Journal of Medicine