Писмо од еден директор на училиште: „Зошто не верувам во образованието?“

Читањето, пишувањето и аритметиката се важни само кога им помагаат на нашите деца да бидат човечни.


Директорот на едно руско училиште секогаш кога вработувал нов наставник му до испраќал ова писмо:

„Почитуван наставнику,

Преживеав концентрацион логор, моите очи виделе нешта што не би требало да ги види ниту еден човек:

- Како научници и инженери градат гасни комори;
- Како квалификувани лекари трујат деца;
- Како обучени медицински сестри убиваат бебиња;
- Како луѓе со универзитетски дипломи стрелаат и палат жени и деца

и затоа не верувам во образование.

Јас Ве молам: помогнете им на учениците да станат луѓе. Вашата работа никогаш не смее да резултира со појави од типот на научници-чудовишта, обучени психопати  или образовани Ајхмани. Читањето, пишувањето и аритметиката се важни само кога им помагаат на нашите деца да бидат човечни.“