ОН: Ова се најдобрите земји за живот

Обединетите нации неодамна го објавија годишниот извештај за човечки развој врз чија основа донеле заклучок за тоа кои земји во светот се најдобри за живот.


Рангирањето се врши врз основа на бројни фактори како што се долговечноста на жителите, образованието, здравството, родовата рамноправност и финансиската благосостојба.

Биле оценети повеќе од 200 земји од светот, а на врвот на листата се најдоа следните земји:

11. Америка - Оваа земја се издвојува по големото финансиско богатство. Американците во просек годишно заработуваат 53.245 долари.

10. Канада - Рамо до рамо со Америка, Канада котира високо поради одличниот образовен систем. Повеќе од половина од нејзините граѓани дипломирале.

9. Исланд - Луѓето во Исланд имаат прилично долг животен век - во просек живеат 82.7 години.

8. Ирска - Стапката на криминал во Ирска е доста ниска. Според најновите податоци, стапката на убиство изнесува само 1.1 на 1.000 луѓе.

7. Холандија - Оваа земја се карактеризира со најмалку изразена родова нерамноправност кога станува збор за заработката - 12.4. Би требало да се напомене дека овој процент е во постојано опаѓање од 90-те години на минатиот век.

6. Сингапур - Станува збор за една долговечна нација, чии припадници во просек живеат 83 години.

5. Данска - Кога станува збор за просечните плати на мажите и жените, разликата во оваа земја (поврзана со полното работно време) изнесува 7.8%.

4. Германија - Од октомври 2014 година, студирањето на сите универзитети во Германија е бесплатно за нејзините жители и меѓународните студенти, додека повеќе од 96% од луѓето имаат завршено средно образование.

3. Швајцарија - Оваа земја се наоѓа прилично високо кога станува збор за општото здравје. Луѓето во Швајцарија во просек живеат 83 години, а ризикот од маларија, ХИВ и туберкулоза е најнизок.

2. Австралија - Повеќе од 5% од БДП во оваа земја се издвојува за образование, со што Австралија го дели истото место со Швајцарија.

1. Норвешка - 13 години по ред, Норвешка се наоѓа на прво место на листата, како земја со најдобар животен стандард, најдобра очекувана должина на животниот век (најдобар државен здравствен систем) и најдобар образовен систем.

Извештајот на ОН покажува дека генерално, светот станува подобро место за живот. Иако 800 милиони луѓе и понатаму секојдневно си легнуваат гладни, во последните 25 години повеќе од милијарда луѓе успеале да се извлечат од екстремна сиромаштија.

Од друга страна, севкупниот човечки процес и понатаму го гушат неколку различни фактори како што се дискриминацијата и нетолеранцијата.

Кога станува збор за Македонија, нашата земја се најде на 82-то место од вкупно 188 држави.

Целосниот извештај можете да го погледнете ТУКА.