Мајка покажала како изгледа постнаталната депресија преку две фотографии

Кети ДиВиченцо споделила моќна порака во врска со постнаталната депресија, објавувајќи две фотографии на социјалната мрежа „Facebook“.


Таа ја споделила објавата на почетокот на месец мај, кој исто така е и месец за зголемување на свесноста за оваа состојба од која страдаат 1 од 10 мајки во годината кога ќе родат дете.

Состојбата се одликува со чувство на тага кое обично започнува две недели по раѓањето на детето. Фотографиите ги направила пријателка на Кети, која е воедно и професионален фотограф. Кети на својот профил напишала:

„Вистината е дека и двете фотографии го претставуваат мојот живот во зависност од денот. Потешко од тоа да ги имате двете состојби е да се преправате дека ги немате. Сигруно многумина ќе помислат дека сум слаба, луда и ужасна мајка, но знам дека не сум сама во овие мисли. Мораме да ги дознаеме знаците, симптомите, ризик факторите и плановите за поддршка за постнаталната депресија. И ако никој до сега не ви кажал, вие извршувате одлична работа. Сакани сте и вредни. Не сте сами. Знам колку е тешко да посегнете по помош, но ви ветувам дека вреди. Вие вредите.“