Четири јапонски правила за долговечност

Окинава, познат како остров на бесмртните, е дом на најмногу стогодишници во Јапонија. Зошто токму на овој остров жителите имаат подолг и посреќен живот?

Дефинитивно се случува нешто чудно во Окинава. И покрај недостигот на доктори, во ова место има многу здрави стари луѓе. Зошто?


- Најдоброто нешто во животот е што бев благословена со шест деца. Добро сум. Уживам кога сум со пријателите и кога одам на прошетка. Имам многу пријатели, разговараме за храна и за други работи, споделуваме стари приказни - вели 100-годишната Нобу Хига.

- Никогаш не ни помислив дека ќе живеам 100 години и дека ќе бидам во добра здравствена состојба - вели 97-годишната Хацуко Кјан.

Островот Окинава се смета за сина зона, регион каде што живеат најстарите луѓе во светот.

- Никогаш не сум зела никаков лек на рецепт. Имам многу хобија и сакам да сум активна. Обожавам кога сум со луѓе, кога разговараме и танцуваме заедно. Тоа ме прави да се чувствувам здраво - вели 84-огодишната Јукико Кина.


- Тука сите земаат учество во „моаи“. Јас го правам тоа со моите соученици и пријатели. Член сум на три „моаи“, а најстарото учество е речиси 50 години. Едвај ги чекам моментите кога се собираме, кога разговараме и се смееме. Не би можела да преживеам без „моаи“. Која е целта на живеењето долго време ако немаш со кого да уживаш во тој период? - вели Јукико Кина.

Доктор Макото Сузуки од Центарот за истражување на науката поврзана со долговечноста од Окинава успеал да собере медицински, нутриционистички и социјални податоци за над 1.000 стогодишници во Окинава, во период од четири децении.

- Пронајдов четири фактори за долговечност: исхрана, физичка активност, самопомош, заеднички систем на помош. Овие четири фактори заедно придонесуваат за долговечноста. Духовното здравје е важно. Предметот на нашето духовно здравје го нарекуваме „икигаи“. Икигаи е нешто што само ти можеш да го направиш и е блиско со личната мисија. Кога го губиме икигаи, умираме. Мислам дека имањето икигаи подолг период е клучот на здравата долговечност - вели докторот.

- Моите внуци и правнуци ме обожаваат. Тие се моето икигаи. Имам 15 внуци и 14 правнуци. Блиска сум со сите и тоа е тајната на моето здравје - вели Кина.

Селото Китанакагусуку е на првото место по долговечност кај Јапонките во изминативе 10 години. За да прослави, селото одржува годишна церемонија за жените над 80 години.

Окинава ве потсетува дека не сте сами и го прави животот полесен.

Извор: BBC
Фото: Screenshot/BBC