„Јутјуб“ конечно воведува „тајмер за спиење“ за сите корисници

„Јутјуб“ полека воведува нови функции за кои ќе се согласиме дека одамна требаше да бидат дел од оваа платформа. Како што соопштија од „Гугл“, најголемата иновација е „тајмерот за спиење“ за сите корисници, а не само за премиум претплатниците како досега.

Оваа функција ви овозможува да поставите автоматско прекинување на репродукцијата по 10, 15, 20, 30, 45 и 60 минути или кога видеото ќе заврши.

Друга интересна новина е „фајн тјунинг“. Наместо претходниот зададен интервал од 0,25, овозможено е „фино приспособување“ во делови од само 0,05.

Овие две функции треба да бидат достапни за сите корисници во следните неколку недели.

Извор: mob.hr

Фото: Freepik