Македонецот кој пред неколку години немаше за „леб“, а сега неговата стартап компанија се вивна кон небото со милиони долари во годишни приходи

Тврдеше дека пред неколку години броел монети за да се прехрани, во далечна Индија, а после само две години неговата стартап компанија се вивна кон небото со милиони долари во годишни приходи. Пред само неколку месеци бизнис приказната на Блаже Аризанов доби речиси епски пропорции кога локалните медиуми ја пренесоа веста за неговиот ненадеен успех во Индија. Стартап компанијата која Блаже Аризанов ја основа со својот пријател од Индија денес е една од најпопуларните и најконтроверзните компании во Индија која им овозможува на младите лубовни парови да си резервираат хотелска соба за краток престој и е редовно споменувана и проучувања бизнис приказна и студија на случај од страна на реновирани светски бизнис магазини како Форбс и Блумберг. Најновото од него е веста дека од Понеделник следната недела излегува неговата прва книга Белиот Трофеј, во која според него, инсајдерски ќе бидат опишани сите маркетинг техники кои ги примени за да ја доведе компанијата од нула до милиони.

Книгата ќе образложи  мноштво пријатни и непријатни моменти за време на ова бизнис патешествие, вклучувајќи ги и деновите кога полицијата секојдневно им беше зад петици на неговиот тим, подбуцната од по-моралниот дел од населението кое длабоко ја осуди нивната мисија и ја сметаа за навредлива за традиционалните Индиски вредности. Белиот Трофеј почнува со кобниот ден кога двајцата последни вработени насилно му го кренаа мебелот од станот поради тоа што им должеше тримесечна плата и го оставија со ништо. Книгата се надоврзува со актуелни и минати трауми кои Блаже Аризанов ги имаа доживеано и за кој вели дека потсвесно ги управуваа неговите одлуки, дел од кои беа толку радикални што придонесе за агресивен конфликт внатре во тимот кој речиси ја распадна компанијата. Или како што вели Блаже Аризанов во официјалниот Фејсбук пост со кој ја најави книгата – Не сите бизнис приказни се опсипани со злато, не секогаш има палати светкавост, трофеи, туку само еден трофеј – Бел. Вака Блаже Аризанов ги именува мноштвото демони на кои авторот тврди дека се потпираше во моментите кога сите дури и неговиот сопствен тим се закануваа да му свртат грб.

Се на се ова е една извонредно нетипична бизнис приказна за нашите простори, за претприемач кој го помина детството во Струмичките полиња за да подоцна доживее вртоглав успех во земја половина планета понатаму.