Метеор ја погоди Земјата со сила на нуклеарна бомба, а никој не забележа

Во декември Земјата имала многу специјален посетител. Според НАСА, огромна огнена топка експлодирала во атмосферата, втората најголема во последните 30 години и најголемата по инцидентот во рускиот град Чељабинск во 2013 година.

Вселенската карпа експлодирала на речиси 25,6 километри над Земјината површина со енергија од 173 килотони, што е 10 пати повеќе од енергијата ослободена од нуклеарната бомба фрлена во Хирошима. Тоа е околу 40 отсто од моќта на чељабинскиот метеор.

Метеорот од Чељабинск го биеше лош глас делумно и поради неговата видливост. Летајќи над населени места во Западна Русија, тој направи трага која беше фотографирана со мобилни телефони и со камери. Новата огнена топка, пак, експлодирала во релативна самотија, горејќи над Беринговото Море. Тешко е да се види на фотографиите, но тоа е онаа мала портокалова точка на средината.

Some colour views of the #meteor that flew over the North Pacific in December 2018, taken by Japan's #Himawari satellite.
The meteor is really clear here - bright orange fireball against the blue + white background!

Background: https://t.co/r403SQxicZ pic.twitter.com/ctNN8zxsXb

— Simon Proud (@simon_sat) March 18, 2019

Источна Русија, каде што експлодирала оваа огнена топка, е пуста. Полуостровот Камчатка е скудно населен, па не е ни чудо што експлозијата на се појави на насловните страници.

Водата на Земјата е уште едно нешто што го имаме како одбрана, смета Кели Фаст, менаџер на програмата на НАСА за набљудување на објекти блиску до Земјата. Со толку многу вода на планетата, дури и ако метеор пробие низ атмосферата, има многу голема шанса дека импактот целосно ќе биде апсорбиран од морето.

Од НАСА воопшто не ја детектирале експлозијата кога се случила и оваа агенција за настанот била известена од воздухопловните сили. Тоа покажува дека агенцијата сè уште има многу работа.