За производството на храна во Македонија, просторните проблеми на театрите, првиот пренос со дигитална аматерска телевизија... Што пишувавме неделава?

„Целта е основната храна да ја обезбедиме дома“: Разговор со професорот Зоран Димов од Катедрата за специјално полјоделство

Повеќе од 150 добитници на Нобеловата награда и Светската награда за храна во отворено писмо истакнаа дека се потребни многу поголеми инвестиции во истражувањето, производството и дистрибуцијата на храната за да се спречи глобалната криза со храна во наредните децении. Тие велат дека светот не е на пат да ги задоволи идните потреби за храна, а на тој пат не е ниту Македонија.

Театрите надвор од Скопје немаат свои објекти и се борат за термини - Кумановскиот се реновира од 2021, Струмичкиот се гради веќе 11 години

Глумат во сали борејќи се за термин со игроорни друштва, оркестри, пејачи и други уметници, поради немање греење, понекогаш користат помали сцени, а проектите за нови театарски згради чекаат одобрение за градба или се градат со години.

„Добив честитки од британски и германски станици од кои некои не ни знаеја каде е Македонија“, вели проф. Дејан Трајковски за првиот пренос со дигитална аматерска телевизија преку катарскиот сателит

Македонија се впиша на листата со земји кои емитуваат и примаат дигитална телевизија преку катарскиот сателит Es’Hail QO-100, кој се наоѓа во геостационарна орбита на околу 38.000 km од Македонија. Ова е постигнување на еминентниот проф. д-р Дејан Трајковски од Техничкиот факултет во Битола.
Тој го направи првиот пренос преку сателит на видео и аудиоматеријал со дигитална аматерска телевизија DATV (ДАТВ) од Македонија.