Ѕирнете во најновиот јапонски панда-воз
Подготвил:
Тамара Гроздановски
Лектор:
Ивана Кузманоска
Од соработката меѓу „Џеј-ар вест Џапен“ и „Адвенчр ворлд“ произлезе новиот воз кој ќе почне со работа од 23 јули, а е дизајниран во форма на симпатична панда. Имајќи ја предвид темата „Цели за одржлив развој“, новиот дизајн е наменет да работи до 2023 година, поаѓајќи од станицата Кјото.
Наречен „Панда курошио“ (Панда црно-бела), јапонскиот воз бил создаден од компаниите со желба луѓето да се среќаваат, да инспирираат насмевки и да придонесе за безбедна, сигурна и просперитетна иднина. Компаниите се надеваат дека ќе може да се изградат врски и односи меѓу сите присутни во возот, од патници и работници, до заедници каде што минува возот.
Секако, првото нешто што сите го забележуваат во врска со овој дизајн е џиновското лице на панда на предната страна на возот, но ако погледнете одблизу, ќе забележите дека има и една мала панда што седи на главата.
Идејата за родител и дете панда е симбол за „одржлива насмевка“ што се пренесува низ генерациите. Исто така, има различни бои и дизајни во секој вагон, од зелена боја за здравје и безбедност до црвена за родова еднаквост.
Со оглед на тоа што „Адвенчр ворлд“ во Вакајама,
Јапонија, има околу 1.400 животни во својот парк, се чини дека е соодветно што главниот дизајн е семејство на панда. Целта на паркот е да создаде светла и просперитетна иднина, а тоа го прави со размножување на ретки животни, како што се џиновските панди. Паркот постојано работи на истражување за конзервација.
Ова е поврзано со концептот на „Цели за одржлив развој“. Голем дел од овие цели е да се создаде побогата врска помеѓу луѓето, животните и природата. Буквално поврзувајќи ги луѓето со природата, „Адвенчр ворлд“ се надева дека кај луѓето ќе предизвика љубов кон природата и животните уште од мала возраст, што резултира во поактивно учество во конзервацијата.
Фотографии: Livejapan