Скулптури зад кои се крие емотивна приказна

Давајќи му сосема ново значење на терминот „камено срце“, некои уметници низ светот им додаваат такви емоции на своите скулптури, што нивната работа ги освојува луѓето од цел свет.

Доставувајќи моќни пораки без да изговорат ниту еден збор, овие скулптури предизвикуваат илјадници емоции кај луѓето.


Пред катедралата во Антверпен, Белгија, има масивна статуа од момче кое спие со неговото куче под ќебе од камен. На прв поглед статуата изгледа симпатична, но приказната за неа ќе ви го скрши срцето. Скулптурата е од Нело и неговото спасено милениче Патраше, херои од позната бајка од 19 век. Во текот на животот Нело се соочил со многу борби, вклучувајќи и сиромаштија и глад и на крајот го изгубил животот замрзнувајќи до смрт во црквата заедно со неговиот најдобар пријател до него.

Оваа моќна скулптура од Пејџ Бредли можеби нема посебна приказна, но го отсликува она што го носиме сите во себе. Со право наречена „Експанзија“, оваа фигура се однесува на нашиот потенцијал што е затрупан од заморните часови, очекувањата и недоразбирањата.

Уморна од одбивања, уметницата зела совршено извајана фигура на жена што медитира и ја удрила од подот. Тогаш Пејџ го пронашла вистинското значење на скулптурата, па ги составила парчињата.

Статуата во моментов е дел од приватна колекција во Њујорк, но Пејџ се обидува да ја направи јавна.


Во седиштето на Обединетите нации во Њујорк се наоѓа револвер „магнум“ што е врзан. Скулптурата е позната и како „Ненасилство“, а приказната има уште поголемо значење. Ова бронзено дело е создадено од Карл Фредрик Ројтеврвард, во спомен на неговиот пријател и пејач Џон Ленон, во 1985 година. Џон беше застрелан од маж.


Создадена од Александар Милов, оваа скулптура прикажува двајца возрасни свртени со грб, додека децата во нив копнеат еден по друг. Делото може да се толкува на различни начини - децата ги држат заедно родителите што сакаат да се разделат, љубовниците го ставаат нивното его на прво место, и возрасни кои го изгубиле детството во нивниот секојдневен живот.


За време на Втората светска војна од Евреите било побарано да ги остават чевлите зад себе и да застанат крај реката за да бидат убиени. Чевлите на брегот на Дунав е скулптура во која се наоѓаат чевли од железо, во спомен на 3.500 луѓе што ги загубиле животите крај реката, а се наоѓа во Будимпешта, Унгарија.


За многумина што секој ден го поминуваат преминот Шибуја во Токио статуата од куче може да значи само уште една скулптура, но за локалното население таа е многу повеќе од тоа.

Кучето Хачико било посвоено од универзитетскиот професор Уено. Секој ден Хачико на станицата чекал да се врати неговиот сопственик. Ова траело со години, кога еден ден професорот починал. Не знаејќи дека неговиот сопственик повеќе никогаш нема да се врати, Хачико продолжил да го чека на станицата повеќе од 9 години, сè додека и тој не починал.


Од реалниот живот до Холивуд, сите сме сведоци на прекрасни љубовни приказни, но оваа е најемотивната.

Подвижните скулптури на маж и жена се дизајнирани од Тамара Квеситадзе, а ја прикажуваат тажната приказна за Али и Нино, љубовници кои не можеле да бидат заедно поради нивната различна религиозна заднина.

View this post on Instagram

Ali and Nino, Georgia. The ‘Statue Of Love’ designed by Tamara Kvesitadze is a stunning example of mechanics and design but is also a tragic story of love, torn apart by religion and war. Every night at 7pm, the two figures move towards one another until they meet in a brief embrace, before passing through and continuing on their path. #AAInspiration Video Courtesy : @youtube @jaketupman . . . #AmitAggarwal #Architecture #AliAndNino #LoveStory #Inspired #SteelStatue #KineticArchitecture #Georgia #Batumi #Design #Buildings #Structure #Mechanics #Motion #Love #Movement

A post shared by Amit Aggarwal (@amitaggarwalofficial) on Jun 15, 2019 at 2:34am PDT