Бришачи за шофершајбни, повик на чекање - Ова се изуми за кои веројатно не сте знаеле дека ги смислиле жени

Навикнати сме да слушаме за изуми или откритија на мажи, па често ги запоставуваме изумите зад кои стојат жени. Сепак, жените смислиле многу нешта што секојдневно ги користиме, а ова се некои од нив.

1. Бришачите за шофершајбните ги измислила Мери Андерсон

Мери Андерсон имала значителен придонес за автомобилскиот свет со измислувањето на бришачите. Таа не возела, но при една посета на Њујорк се возела во трамвај на снежно време и забележала дека возачот морал постојано да излегува надвор за да ја чисти шофершајбната. Нормално, тоа значело и подолго возење, па Андерсон си помислила - што ако има некаков вид сечило кое би можело да ја брише шофершајбната без возачот да излегува надвор. Како резултат на тоа, таа создала направа која оперирала со рачка и можела да се користи од страна на возачите. Направата била патентирана во 1903 година.

На почетокот луѓето биле скептични за користењето и мислеле дека може да му го одвлечат вниманието на шоферот. Компаниите не биле многу заинтересирани за вложување, но на крајот бришачите станале стандардни во сите возила.


2. Геобонд, огноотпорен материјал измислен од Патрисија Билингс

Патриша Билингс е скулпторка, изумителка и бизнисменка која го измислила геобонд, градежен материјал кој е огноотпорен и речиси неуништив.

Билингс учела уметност, а во 70-тите години една скулптура ѝ паднала и се скршила, па таа почнала да експериментира во подрумот. Осум години подоцна таа создала адитив кој кога ќе се измеша со гипс и цемент, создава многу цврст, нетоксичен и огноотпорен малтер.

3. Бет Нисмит Грејам го создала коректорот

Како што електричните машини за пишување почнале да се користат масовно по Втората светска војна, Бет и безброј други секретарки имале голем проблем - додека новите машини го олеснувале пишувањето, поправањето на грешките било отежнато. Бет сакала решение за проблемот и го нашла гледајќи сликари кои ги декорирале прозорците на банката. Сликарите ги покривале сите несовршености со дополнителен слој. Грејам ја ископирала нивната техника користејќи бела боја за да ги покрие грешките. Наскоро имала многу барања за нешто што го нарекла „Мистејк аут“ и почнала да работи полно работно време за да го создаде и спакува коректорот. Бет продолжила да ја подобрува формулата и во 1958 го преименувала производот во „Ликвид пејпер“.

4. Лилиан Гилбрет ги смислила кантите за отпадоци со педал

Гилбрет е позната по нејзината работа во ергономијата, вклучувајќи и идеи како ставање полици во фрижидерите за тие да бидат поефикасни. Слично на тоа, таа ги измислила и ножните педали за оперирање со кантите за отпадоци.

5. Пелените за еднократна употреба биле измислени од Мерион Донован


6. Машината за садови била создадена од Џозефин Кокрен

Џозефин ја создала машината за садови во барака зад нејзиниот дом и дизајнот го патентирала во 1886 година. Првично машините се продавале во ресторани и хотели, но во 50-тите години почнале многу да се користат во домовите.

7. Елизабет Филипс ја смислила играта „Монопол“

Елизабет била американски дизајнер на игри, писателка и феминистка. Претходникот на „Монопол“ - играта „Лендлорд Гејм“ била создадена од страна на Елизабет за да се илустрираат доктрините на прогресивниот економист Хенри Џорџ. При создавањето на играта намерата била фокусирање на сите неправдини што резултираат од неконтролираниот капитализам.

8. Изолацијата на матични клетки била смислена од Ен Цукамото


9. Надворешните скали биле измислени од Ана Конели

Ана Конели ги смислила и ги патентирала првите надворешни скали за бегство при пожар во 1887 година. Нејзиниот дизајн ги направил зградите побезбедни зашто спречил паѓање на луѓето во паника. Исто така, нејзиниот дизајн им овозможил на пожарникарите полесно да гаснат пожар во одредени делови од зградите.

10. Ширли Ен Џексон ги смислила повикот на чекање и идентификацијата на повик

Ширли Ен Џексон е американска физичарка, првата Афроамериканка која докторирала на Технолошкиот институт во Масачусетс (МИТ) и втората Афроамериканка во САД што докторирала во полето на физиката.

Таа е изумителот на повикот на чекање и идентификацијата на повикот.

Извор: Interesting Engineering
Насловна фотографија: Pixabay