Погледнете го морничавиот хуманоиден робот кој придвижува 1.000 мускули

Полскиот стартап „Клон роботикс“ го претстави „Протоклон“ - хуманоиден робот кој верно ги реплицира човечкиот скелет, мускулите, крвта и нервниот систем со употреба на вештачки компоненти. За разлика од повеќето хуманоидни роботи, „Протоклон“ е изграден на целосно анатомски човечки скелет, со 1.000 вештачки мускули (Миофибер), над 500 сензори и повеќе од 200 степени слобода во движењата.

Првата верзија на овој робот користи пневматски системи за подигнување, додека идните верзии ќе се фокусираат на хидрауликата, што ќе постигне поголема сила и точност на движењето.

Технологијата „миофибер“ им овозможува на вештачките мускули да се однесуваат како биолошки, секој може да контрахира до 30 отсто од својата должина, да реагира за помалку од 50 милисекунди и да генерира над 1 кг сила на само 3 грама маса. Само горниот дел од телото на роботот има 164 степени слобода во движењата, вклучувајќи 26 во тупаници, зглобови и лакти, 20 во рамената и 6 во секој пршлен на 'рбетот.

„Протоклон“ бил претставен пред јавноста на почетокот од годината, а најновото видео во кое роботот се искривува и се движи прецизно предизвикува и восхит и непријатност.

„Клон роботикс“ планираат понатамошна комерцијализација на овие роботи, со фокус на биомеханичка реалност, за разлика од другите компании што роботите ги прават за едноставни задачи.

Извор: benchmark.rs

Фото: YouTube screenshot