Оваа серија веќе четири недели е на листата со најгледани на „Нетфликс“

Серијата „Ранинг поинт“ не ја напушта листата со најгледани серии на „Нетфликс“ во последните четири недели. Наиде на големо признание од критичарите и публиката и е наградена со ѕвезден 7,4 рејтинг на ИМДб, што резултира со најава за втора сезона. Која е тајната на успехот на серијата?

Кејт Хадсон во неочекувана улога

Серијата го означува враќањето на Кејт Хадсон на телевизиските улоги. Во центарот на бизнисот е Исла Гордон. Отсекогаш била изолирана од семејниот бизнис поради нејзиниот бунтовнички дух. Но, дошло време тоа да се промени.

Имено, откако братот на Исла поднесува оставка поради афера, таа добива можност да води еден од најуспешните кошаркарски тимови – „ЛА Вејвс“. Како ќе го најде својот пат во спортскиот свет и дали ќе успее да ги убеди своите браќа, одборот и тимот дека е доволно зрела за сериозна работа? Одговорите дознајте ги сами откако ќе ја изгледате серијата.

Вреди да се напомене дека името на серијата „Ранинг поинт“ (Точка за трчање) доаѓа од истоимената фраза, што на англиски значи преземање одговорност.

Од перото на позната актерка

Серијата собрала и врвна актерска екипа. Кејт Хадсон секако е најважната алка во овој проект, а ѝ се придружуваат и Бренда Сонг, Макс Гринфилд, Скот Мекартур, Џастин Тероу и Дру Тарвер. Друг интересен факт е дека серијата е во режија на актерката Минди Калинг.

Гледачите упатуваат пофалби за прикажувањето на комплицираните семејни односи, како и развојот на ликовите. И не, не мора да сте љубител на кошарката за да ви се допадне оваа серија.

Извор: journal.hr

Фото: YouTube screenshot