Три настани за сите заинтересирани за вработување во Словенија

По успешните настани „Живот и работа во Словенија“, кои Заводот за вработување на Република Словенија ги одржа во Македонија на почетокот на јуни и во Босна и Херцеговина на крајот од септември, решивме дека поради големата побарувачка од страна на работодавците и потребите на нашиот пазар на труд, во соработка со Амбасадата на Република Словенија во Скопје, на крајот од ноември повторно да организираме настани за вработување во Македонија. Овој пат тие ќе се одржат во Скопје, Прилеп и во Битола:
Hotel DoubleTree by Hilton Skopje, Бул. „АСНОМ“ 17
- Прилеп, 28.11.2023, 10:00–17:00,
Центар за култура „Марко Цепенков“, Бул. „Гоце Делчев“ бр. 18
- Битола, 29.11.2023, 10:00–17:00,
Културен и информативен центар, Офицерски дом, Широк Сокак 145.

На настаните ќе се претстават 30 истакнати словенечки работодавци од цела Словенија, кои нудат добри и стимулативни услови за работа и живот и заедно вработуваат повеќе од 20.000 работници. Најголем дел од нив се од здравствената и социјалната заштита и градежната индустрија, а ќе присуствуваат и работодавци од области како: производство, транспорт и складирање, технички дејности, угостителство и други.
- претставување на тековните потреби на истакнатите словенечки работодавци, кои се соочуваат со значителен недостиг на кадар;
- презентација на потребните професии кои се неопходни за реализација на санациските работи по катастрофалните августовски поплави и свлечишта во Словенија и во кои може да се вработат странски работници;
- обезбедување веродостојни информации за условите за живот и работа во нашата држава со цел да се обезбеди соодветна заштита на работниците дел од работната миграција, во што е можно поголема мера.