Кина сака нејзината база на Месечината да има нуклеарен реактор

Првичните планови за Меѓународната истражувачка станица за лунарно истражување (ИЛРС), предводена од Кина и Русија, вклучуваат изградба на нуклеарен реактор на површината на Месечината, според презентацијата на кинески вселенски службеник.

Презентацијата на Пеи Жаоју, главен инженер на кинеската мисија „Чанг'е-8“ за 2028 година, укажува дека снабдувањето со енергија на идната база може да зависи и од големите соларни панели што ќе се изградат на Земјиниот сателит.

Целта на мисијата „Чанг'е-8“ е да се постават темелите за изградба на постојана база на Месечината со екипаж. Кина има амбиции да стане водечка вселенска сила и да испрати астронаути на Месечината до 2030 година.

Оваа цел се совпаѓа со поамбициозниот план на НАСА, чија програма „Артемис“ сака да испрати американски астронаути на површината на Месечината во декември оваа година.

Ву Веирен, член на Кинеската академија за инженерство и главен дизајнер на кинескиот проект за истражување на Месечината, минатата година изјави дека основниот модел на ИЛРС на јужниот пол на Месечината ќе биде изграден до 2035 година. Мисијата „Чанг'е-8“ е дел од фазата на изградба на тој модел, нагласил Ву.

Во иднина Кина ќе го лансира проектот „555“, чија цел е да покани 50 земји, 500 меѓународни научни институции и пет илјади научници да ѝ се приклучат на ИЛРС.

Извор: tportal.hr

Фото: Freepik