Строгите правила кои ќе треба да ги почитуваат туристите во ОАЕ

Обединетите Арапски Емирати имаат строги правила за странските посетители, работниците, па дури и сопствените жители за време на пандемијата.

Земјата се надева дека ќе започне да прима туристи во јули или најдоцна во септември. Но, за туристите ќе важат одредени правила. Меѓу другото, туристите (и граѓаните) кои нема да ги почитуваат мерките на владата ќе треба да платат казна од 13.000 долари.

Според наредбите од властите, сите мора да носат алки за следење и да имаат апликации за следење на телефоните. Освен паричната казна, оние кои нема да ги почитуваат правилата ќе бидат казнети со објавување на нивните фотографии во локалните медиуми. Оние што нема да ги почитуваат правилата повеќе од еднаш може да добијат и затворска казна. Има и други казни, како онаа од 800 долари за оние кои не носат маска.

Обединетите Арапски Емирати започнуваат да ги намалуваат правилата

за ограничено движење, но уште не се дозволува влез на туристи во земјата, а има и полициски час од 20 часот до 6 часот секој ден. Шопинг-центрите се отворени од неодамна, но треба да се почитуваат правила за социјално дистанцирање, а јавните места како кино-салите, училиштата и спортските сали се затворени. Некои барови и ресторани се отворени, но треба да почитуваат строги правила.

Околу 90% од населението во Емиратите го сочинуваат странски државјани. Странските работници може да се вратат во земјата, но мора да имаат дозвола од владата и треба да бидат во карантин по пристигнувањето. Земјата, која досега потврдила над 29.000 случаи на коронавирус, досега направила над еден милион тестирања.


Извор: thepointsguy.com