Сингапурска фирма создаде брз тест за ковид-19 преку здивот

Компанијата „Бритоникс“ од Сингапур направи уред за тестирање присуство на ковид-19 за само 60 секунди. Уредот може да препознае ковид-19 само преку здивот.

„Бритоникс“ е компанија во сопственост на Националниот универзитет на Сингапур. Таа добила привремено одобрување за својот уред на 17 мај. Уредот е брз и евтин начин за тестирање за ковид-19, а не мора да се користи од обучени здравствени професионалци.


Тестовите со уредот чинат од 3,76 долари до 15,03 долари, во зависност од количината што се купува. Во моментов уредот дава точен резултат во 85,7% од случаите. Доколку некој добие позитивен тест, мора да се тестира со ПЦР-тест.

Ваквиот тест можеби ќе го олесни и забрза тестирањето за коронавирусот низ светот. Во меѓувреме, институции во други земји, меѓу кои и САД, Холандија, Индонезија и Јапонија, исто така работат на создавање тест за ковид-19 преку здивот.

Автор: Фабиен Ланг
Извор: interestingengineering.com