Објавена листата на 50 најдобри барови во светот за 2024 година

Љубителите на коктели ширум светот ги свртуваат погледите кон Мадрид, Шпанија за да видат кои барови се нашле на листата на 50 најдобри барови во светот во 2024 година.

Списокот, кој првпат бил објавен во 2009 година и создаден од медиумската компанија „Вилијам Рид“, стана годишен настан со кој се истакнуваат најдобрите светски коктел-мајстори и коктели.

Во светот на постојано менување на пијалаците и гостопримството, тоа не е само преглед на трендовски места, туку и глобален светилник за културата на коктелите, покажувајќи ја креативноста, иновативноста и уметноста на правење коктели на најдобар можен начин.

Листата покажала дека може да катапултира помалку познати барови на светската сцена, привлекувајќи клиенти и поттикнувајќи ја локалната економија. Ова ги инспирира бармените да ги поместат своите граници, прифаќајќи нови техники и состојки кои го подигнуваат вкусот.

За многу поединци, тоа претставува листа на коктели од соништата. Гледано како целина, списокот ја нагласува богатата разновидност на индустријата и етосот на потиснување на границите – без разлика дали е тоа безвременскиот шарм на „The Connaught“ во Лондон или вкусот на „Handshake Speakeasy“ во Мексико Сити.

Сите континенти освен Африка и Антарктикот имаат претставници на листата.

Лондон и Њујорк се изедначиле како најнаградуваните градови со по четири барови на листата.

Ова се десетте најдобри барови во светот:

-„Handshake Speakeasy“, Мексико Сити

-„Bar Leone“, Хонг Конг

-„Sips“, Барселона

-„Tayer + Elementary“, Лондон

-„Jigger & Pony“, Сингапур

-„Line“, Атина

-„Tres Monos“, Буенос Аирес

-„Alquímico“, Картагена

-„Zest“, Сеул

-„Paradiso“, Барселона.

Секој бар им нуди на љубителите на пијалоци висококвалитетни пијалоци и безвременско чувство. Комплетната листа на 50 најдобри барови во светот можете да ја погледнете на овој линк.

Извор: klix.ba

Фото: Freepik