Во Тајланд можете да спиете во проѕирни куполи опкружени со слонови
Подготвил:
Тамара Гроздановски
Лектор:
Ивана Кузманоска
Тајланд е држава позната по својата прекрасна природа, неверојатен животински свет и тропско време, што ја прави совршена дестинација за одмор за оние што сакаат природа.
За да ги приближи туристите поблиску до природата, постои одморалиште што овозможува да престојувате во купола. Лоцирано во северниот дел на Тајланд, одморалиштето за кампување „Антара голден трајенгл елефант“ ги привлекува туристите со уникатните проѕирни куполи со прекрасен поглед на природата населена со слонови.
Фото: Anantara
Овие неконвенционални соби се нарекуваат „Меурчиња на џунглата“. Направени се од високотехнолошки материјал од полиестер, што на посетителите им овозможува да ја набљудуваат околината без никакви ограничувања.
Фото: Anantara
Секоја купола има 22 квадратни метри, во кои се сместени удобен кревет, бања и место за седење.
Фото: Anantara
Слоновите што живеат во одморалиштето се спасени и сместени во кампот за да имаат удобен живот.
Фото: Anantara
Одморалиштето ветува незаборавна ноќ во луксузната купола за 585 долари на ден за двајца. Освен основните удобности, одморалиштето нуди пристап до кошница за вечера, мини-бар, 24-часовна услуга за јадење и чај и кафе.