Најмирното место на светот: Животот на карпа висока 40 метри
Подготвил:
Тамара Гроздановски
Лектор:
Ивана Кузманоска
Столбот на животот или столбот Кацки е природен варовнички монолит во истоименото село во Западна Грузија, опкружено со речната долина Катхура.
Висок е околу 40 метри, а на неговиот врв се наоѓаат остатоците од црквата „Св. Максим Исповедник“, која датира од 9 или 10 век, крипта, визба за вино и остатоци од некогашна тврдина. По изгледот потсетува на манастир во облаците: тука живееле монаси кои повеќе би сакале да умрат од глад отколку да добијат храна од жена.
Целиот простор на врвот опфаќа 150 квадратни метри, а со оглед на тоа што не е изграден лифт, до него може да се дојде само со искачување, со помош на рацете, нозете и малку среќа.
Затоа и не е чудно што градбите на врвот долго време биле занемарени. Првото искачување се случило во 1944 година кога планинарите Александар Јапарџе и Леван Готуа на врвот нашле тело од некој претходен жител.
Се верува дека тоа било место за молитва, наменето за испосници што сакале да се изолираат од остатокот од светот.
Фото: Freepik
Поинтензивно истражување било спроведено помеѓу 1999 и 2009 година, кога градбите биле реставрирани со помош на Националната агенција за зачувување на културното наследство на Грузија, а била додадена и црква.
Сега на врвот на карпата живее 67-годишниот свештеник Максим Кавтарадзе, кој направил импровизирани скали со кои се спушта и се качува на карпата двапати неделно. Храната му се доставува со помош на чекрек — механички уред кој се користи за подигнување или повлекување голем товар.
Извор:
Punkufer.dnevnik.hr
Фото: Freepik