И пингвините му се спротивставија на Трамп одржувајќи „протестен марш“

Маршот на пингвините, кој се одржа на 16 април, предизвика огромно внимание и стави во фокус важен проблем. Пингвините од островите Херд и Макдоналд се спротивставија на царините што ги воведе американскиот претседател Доналд Трамп, кои се однесуваат на австралиски територии без човечко население, но богати со животински свет, вклучувајќи ги пингвините и фоките.

Организацијата „Пенгуинс интернешнл“, посветена на заштита и истражување на пингвините, ја искористи оваа вест за да ги нагласи сериозните закани со кои се соочуваат овие животни. Маршот, наречен „Протестен марш на пингвините“, беше пренесуван во живо на „Јутјуб“ и беше спој на протест и научен настан.

Дејвид Шат, извршен директор на „Пенгуинс интернешнл“, истакна дека пингвините не се само природен симбол на овие острови, туку и на загриженоста за животинските видови кои се соочуваат со сериозни закани.

- Дивите пингвини, како оние на островите Херд и Макдоналд, се соочуваат со многу поголеми проблеми од самите царини. Денес, 9 од 18 вида пингвини се или на листата со загрозени видови или на работ на изумирање - рече Шат.

Маршот беше внимателно следен и од јавноста, што помогна да се поттикне дискусија за потребата од заштита на овие животни и нивното природно опкружување. Со оваа акција, пингвините му го привлекоа вниманието на светот.



Извор: Euronews.rs
Фото: Prinstscreen YouTube/Penguins International