Холандски музичари ја изведуваат Симфонија бр.9 од Бетовен од своите домови

20 холандски музичари од Филхармонискиот оркестар во Ротердам биле принудени да останат дома поради пандемијата на коронавирусот. Сепак, тие успеале да се усогласат и да направат моќно видео за светот.

Видеото почнува со познатите ноти на Симфонија бр.9 од Бетовен, првпат отсвирена пред околу 200 години.

- Се приспособуваме на новата реалност и ќе мора да најдеме решенија за да се поддржиме меѓусебно. Креативните сили ни помагаат - напиша тимот на својот јутјуб-канал.

- Да размислуваме пошироко и да ги искористиме иновациите за да ја одржуваме нашата врска и за да функционираме заедно. Затоа што ако заедно го направиме тоа, ќе успееме - пишуваат тие.

Позната и како „хорска симфонија“, ова е првата симфонија со употреба на гласови што доаѓаат при крајот на композицијата.