Колку епизоди треба да изгледате од една серија пред да ја пречкртате?

Не се сите ТВ-серии исти. Дури и кога се работи за оние што се пофалени од критичарите, понекогаш треба да погледнеме неколку епизоди пред целосно да нѐ вовлечат во нивната приказна. Ова нè доведува до прашањето што многумина го поставуваат: колку епизоди треба да изгледаме од една серија пред да се откажеме и да продолжиме понатаму?

Даниел Парис од „Стат сигнификант“ решил да го најде одговорот на ова прашање. Анализирајќи ги оцените на корисниците на „ИМДб“ (од 1 до 10), тој ја зел серијата „Пријатели“ како референција и открил дека нејзината просечна оцена е 8,34. Сепак, само седмата епизода ја надминува таа просечна оцена, што сугерира дека на серијата ѝ требало време да го достигне својот целосен потенцијал.

Користејќи го овој метод, Парис ги анализирал сите серии во базата на податоци на „ИМБд“, споредувајќи ја просечната оцена на серијата со оцените на поединечни епизоди. Резултатите покажале дека на повеќето серии им се потребни шест или седум епизоди пред да го достигнат или надминат својот долгорочен просек на гледаност.

фотоизвор: IMBd/Daniel Parris/Stat Significant

Во зависност од серијата, шест или седум епизоди би можеле да значат многу, па дури и целата прва сезона. Со оглед на тоа што денес има огромен број серии, не е ни чудо што многу гледачи немаат трпение да вложат толку време во нешто што можеби нема да ги освои. Иако ова е интересна статистика, субјективноста и личните преференции играат голема улога. На некои серии, особено на ситкоми, им треба сезона или две за ликовите целосно да се развијат и хуморот да им „легне“. Од друга страна, некои серии ја освојуваат публиката во првата епизода.

Извор: bajtbox.com

Фото: Freepik