Плаче кога се разделуваме пред училиште, а на одморите се плаши да остане со дечињата ако нема возрасен во близина. Што да направам?

Би сакала да ми дадете совет за стравовите на моето шестгодишно дете. Откако тргна на училиште, секогаш кога се разделуваме плаче и се чувствува несигурно, а тоа почна да го прави уште во градинка. Не можам да откријам која е причината, меѓутоа, веќе учителот реагира дека не може да работи и дека нашето дете на паузите се плаши да остане со дечињата без некоја возрасна личност. Потоа во целодневна му е добро, вели дека таму е среќен, но на наставата не.