Научниците откриле 56 езера под мразот на Гренланд

Научниците пронашле повеќе од 50 езера под мразот на Гренланд за кои велат дека може да се домaќини на „екстремен живот“.

Субглацијалните езера имаат должина од 200 метри до 5,9 километри, а под мразот се наоѓаат околу 60.

Гренланд опфаќа површина околу седумпати поголема од големината на Велика Британија, а нејзината ледена прекривка, чие топење игра важна улога во климатските промени, на некои места е дебела до 3 километри.


Тие биле откриени од страна на научниците од Универзитетот во Ланкастер, Универзитетот во Шефилд и Универзитетот „Стенфорд“, кои анализирале повеќе од 500.000 километри радио-ехо воздушни податоци, кои обезбедиле и слики од ледената прекривка.

Научниците велат дека откривањето на езерата ќе им помогне да разберат каде се случува топењето на водата и како таа се испушта, што влијае врз тоа како прекривката реагира на зголемувањето на глобалните температури.

- Истражувачите имаат одлично познавање на антарктичките субглацијални езера, кои можат да ги наполнат и испуштат и да предизвикаат прекумерниот мраз да тече побрзо. Сепак, досега беше малку познато за субглацијалната дистрибуција на езерото и однесувањето под мразот во Гренланд - вели водечкиот автор, Џејд Боулинг од Универзитетот „Ланкастер“.

- Истражувањето првпат ни овозможи да почнеме да создаваме слика за тоа каде се формираат езерата под мразот на Гренланд. Ова е важно за одредување на нивното влијание врз поширокиот субглацијален хидролошки систем и динамиката на текот на мразот, а го подобрува нашето разбирање за базалната топлинска состојба на мразот - додава Џејд.

Повеќето од езерата се релативно стабилни, но се соочуваат со ризик да бидат наполнети со повеќе стопена вода и да бидат испуштени во морињата како што се загрева климата.

Истражувачите забележале две езера на работ од мразот што постојано се испуштаат и се полнат со стопена вода.

- Езерата што ги идентификувавме имаат тенденција да се групираат во источниот дел на Гренланд, каде што коритото е грубо и затоа може да фати и да складира стопена вода, како и во северниот дел на Гренланд. Овие езера може да обезбедат истражување за пронаоѓање докази за екстремен живот - вели д-р Стивен Џ.Ливингстон, постар предавач по физичка географија на Универзитетот во Шефилд.