Оптичка илузија што си поигрува со вашиот мозок
Подготвил:
Тамара Гроздановски
Лектор:
Ивана Кузманоска
Уште една оптичка илузија што не можеме да ја разбереме. Овој пат на фотографијата гледаме три автомобили со навидум различна големина - но што ако ви кажеме дека сите се со иста големина?
Илузијата на три автомобили што возат по рид стана вирална на „Тик-ток“. И додека изгледа дека автомобилите се наредени по големина, од најмал до најголем, на видеото се гледа дека автомобилите се сите со иста големина.
Фото: Beatonthebeeb
„Беатонтиб“, корисник на „Тик-ток“, успеа да ја разбие илузијата вадејќи ги автомобилите од контекстот на фотографијата, редејќи ги еден до друг и откривајќи дека тие всушност се со иста големина. Тој објаснува дека бидејќи автомобилите се поставени на рид, нашиот мозок вештачки го зголемува оној што е најдалеку, правејќи да изгледа поголем.
Оригиналното видео собра над 530 илјади прегледи и над 700 коментари на „Тик-ток“ и, изненадувачки, корисниците се прилично збунети. Некои не се убедени дека илузијата е реална, при што еден корисник коментира дека ако ги „измерите во споредба со патоказот, првиот автомобил е 1/3, а последниот е 1/2 од големината на знакот. Решивме да го провериме ова (види подолу) со создавање форма со иста висина како столбот на ламбата (правоаголник лево), и редење на автомобилите подолу за да видиме дали се сите со иста големина. Можеби изгледа дека оној од крајната десна страна е малку поголем, но тоа е така поради аголот на автомобилот. Како што можете да видите, тие се со иста големина.
Фото: Future/Beatonthebeeb
Извор:
Creativebloq.com
Фото: Beatonthebeeb